http://kksongs.org/image_files/image002.jpg

Krsna Kirtana Songs est. 2001                                                                                                                                                www.kksongs.org


Home Song Lyrics P

Song Name: Pratah Sri Tulasi Natih Sva Karatas

Official Name: Sri Guru Carana Smaranastakam

Author: Visvanatha Cakravarti Thakura

Book Name: Stavamrta Lahari

Language: Sanskrit

 

 

LYRICS:

(1)

prātaḥ śrī-tulasī-natiḥ sva-karatas tat-piṇḍikā-lepanaḿ

tat-sāmmukhyam atha sthitiḿ smṛtir atha sva-svāminoḥ pādayoḥ

tat-sevārtha-bahu-prasūna-cayanaḿ nityaḿ svayaḿ yasya taḿ

śrī-rādhā-ramaṇaḿ mudā guru-varaḿ vande nipatyāvanau

 

(2)

madhyāhne tu nijeśa-pāda-kamala-dhyānārcanānnārpaṇa-

prādakṣiṇānati-stuti-praṇayitā nṛtyaḿ satāḿ sańgatiḥ

śrīmad-bhāgavatārtha-sīdhu-madhurāsvādaḥ sadā yasya taḿ

śrī-rādhā-ramaṇaḿ mudā guru-varaḿ vande nipatyāvanau

 

(3)

prakṣālyāńghri-yugaḿ nati-stuti-jayaḿ kartuḿ mano’tyutsukaḿ

sāyaḿ goṣṭham upāgataḿ vana-bhuvo draṣṭuḿ nija-svāminam

premānanda-bhareṇa netra-puṭayor dhārā cirād yasya taḿ

śrī-rādhā-ramaṇaḿ mudā guru-varaḿ vande nipatyāvanau

 

(4)

rātrau śrī-jayadeva-padya-paṭhanaḿ tad-gīta-gānaḿ rasā-

svādo bhakta-janaiḥ kadācid abhitaḥ sańkīrtane nartanam

rādhā-kṛṣṇa-vilāsa-kely-anubhavād unnidratā yasya taḿ

śrī-rādhā-ramaṇaḿ mudā guru-varaḿ vande nipatyāvanau

 

(5)

nindety-akṣarayor dvayaḿ paricayaḿ prāptaḿ na yat-karṇayoḥ

sādhūnāḿ stutim eva yaḥ sva-rasanām āsvādayaty anvaham

viśvāsyaḿ jagad eva yasya na punaḥ kutrāpi doṣa-grahaḥ

śrī-rādhā-ramaṇaḿ mudā guru-varaḿ vande nipatyāvanau

 

(6)

yaḥ ko’py astu padābjayor nipatito yaḥ svīkaroty eva taḿ

śīghraḿ svīya-kṛpā-balena kurute bhaktau tu matvāspadam

nityaḿ bhakti-rahasya-śikṣaṇa-vidhir yasya sva-bhṛtyeṣu taḿ

śrī-rādhā-ramaṇaḿ mudā guru-varaḿ vande nipatyāvanau

 

(7)

sarvāńgair nata-bhṛtya-mūrdhni kṛpayā sva-pādārpaṇaḿ

smitvā cāru kṛpāvaloka-sudhayā tan-mānasodāsanam

tat-premodaya-hetave sva-padayoḥ sevopadeśaḥ svayaḿ

śrī-rādhā-ramaṇaḿ mudā guru-varaḿ vande nipatyāvanau

 

(8)

rādhe! kṛṣṇa! iti pluta-svara-yutaḿ nāmāmṛtaḿ nāthayor

jihvāgre naṭayan nirantaram aho no vetti vastu kvacit

yat kińcid vyavahāra-sādhakam api premnaiva magno’sti yaḥ

śrī-rādhā-ramaṇaḿ mudā guru-varaḿ vande nipatyāvanau

 

(9)

tvat-pādāmbuja-sīdhu-sūcakatayā padyāṣṭakaḿ sarvathā

yātaḿ yat-paramāṇutāḿ prabhu-vara prodyat-kṛpā-vāridhe

mac-ceto-bhramaro’valambā tad idaḿ prāpyāvilambaḿ bhavat-

sańgaḿ mańju-nikuńja-dhāmni juṣatāḿ tat-svāminoḥ saurabham

 

TRANSLATION:

No Translation available for this song!

 

REMARKS/EXTRA INFORMATION:

No Extra Information available for this song!

 

UPDATED: January 15, 2017