Krsna Kirtana Songs est. 2001                                                                                                                                                 www.kksongs.org

---

Home ⇒ Song Lyrics ⇒ Y

Song Name: Yaddhitam Tava Bhaktanam

Official Name: Narahari Astakam

Author: Vadiraja Tirtha

Book Name: None

Language: Sanskrit

A

LYRICS:

(१)

यद्धितं तव भक्तानां अस्माकं नृहरे हरे

तदाशु कार्यं कार्यज्ञ प्रलयार्कायुतप्रभ

(२)

रटत्सटोग्रभ्रुकुटीकठोरकुटिलेक्षण

नृपञ्छास्य ज्वलज्वालोज्ज्वलास्यारीन् हरे हर

(३)

उन्नद्धकर्णविन्यास विवृतानन भीषण

गतदूषण मे शत्रून् हरे नरहरे हर

(४)

हरे शिखिशिखोद्भास्वदुरः क्रूरनखोत्कर

अरीन् संहर दंष्ट्रोग्रस्फुरजिह्व नृसिंह मे

(५)

जठरस्थजगज्जाल करकोट्युद्युतायुध

कटिकल्पतटित्कल्पवसनारीन् हरे हर

(६)

रक्षोध्यक्षबृहद्वक्षोरूक्षकुक्षिविदारण

नरहर्यक्ष मे शत्रुपक्षकक्षं हरे दह

(७)

विधिमारुतशर्वेन्द्रपूर्वगीर्वाणपुंगवैः

सदा नताङ्घ्रिद्वन्द्वारीन्नरसिंह हरे हर

(८)

भयंकरोर्वलंकार वरहुंकारगर्जित

हरे नरहरे शत्रून्मम संहर संहर

(९)

वादिराजयतिप्रोक्तं नरहर्यष्टकं नवं

पठन्नृसिंहकृपया रिपून् संहरति क्षणात्

UPDATED: October 26, 2015